Павел Гаспадыніч - Сляза ляза

Название:	Сляза ляза
Автор:	Павел Гаспадыніч
Жанр:	Современная проза
Серии:	Нет данных
ISBN:	Нет данных
Год:	Не установлен

О чем книга "Сляза ляза"

У новай кнізе Паўла Гаспадыніча (першай паэтычнай і першай электроннай) чытача чакаюць лірычныя і драматычныя, узнёслыя і натуралістычныя, патрыятычныя і агульначалавечыя вострыя, як лязо, матывы і вобразы паэзіі. Псіхалагізм, унутраныя маналогі і плынь думак разам з рамантызмам і глыбокімі рухамі душы – гэта толькі адзінкі з таго, што прываблівае чытача ў творах аўтара. Творах, напісаных Душой і з Душой, таму шмат хто пазнае ў вершах і паэмах сябе…

Бесплатно читать онлайн Сляза ляза

ISBN 978-5-4483-7446-3

Создано в интеллектуальной издательской системе Ridero

«У самотнай цішы…»

У самотнай цішы

Ледзь рыпнулі дзверы.

Я ўбачыў цень на шпалерах —

Пэўна, з’явілася ты…

«Ты паклічаш, ты пазавеш…»

Ты пакліч мяне. Пазаві
Там заблудзімся ў хмельных травах…
Пачынаецца ўсё з любві,
Нават самая простая ява.
Я. Янішчыц

Ты паклічаш, ты пазавеш,

У дурманы траваў духмяных…

Заблукаем у роснай імгле,

Знікнем разам у белых туманах…

Пачынаецца ўсё з любві,

Нават зманнасць нябеснага шляху.

Перад намі абсягаў гады,

Па-за намі – пакінутасць страху.

Распранаецца поўні святло

У вачах тваіх бляскам любові…

І ліецца з нябёсаў сяйво

Асляпляльна-празрыстай няволі.

Ты палічаш, ты пазавеш

Заблукаць у дзівосным адхланні…

На світанку ў роснае смузе

Знікнуць разам у белым тумане…

«Я напішу верш для цябе…»

Я напішу верш для цябе

Удзень самотны і журботны.

Як сонца ўтопіцца ў вадзе —

Я напішу верш для цябе.

Я напішу верш для цябе

Апалым полымем пачуццяў.

Асадкай сэрца у мане —

Я напішу верш для цябе.

Я напішу верш для цябе

Стагоддзем вечнай адзіноты.

Палётам дзіды на вайне —

Я напішу верш для цябе.

Я напішу верш для цябе

Збуцвелым кветам асалоды.

Нектарным прысакам у сне —

Я напішу верш для цябе.

Я напішу верш для цябе

Маладзікова срэбнай сцюжай.

Калі прачнешся без мяне —

Я напішу верш для цябе.

Я напішу верш для цябе

Сутоннем пожадным і прагным.

У барвах смутку і ў смузе

Я напішу верш для цябе.

Я напішу верш для цябе

Удзень самотны і журботны.

Стагоддзем вечнай адзіноты,

Збуцвелым кветам асалоды.

«Вас, відаць, не было сапраўды…»

Вас, відаць, не было сапраўды

Ля крыніцы, ля вішань, ля студні…

Нібы сон, паўтараліся Вы,

І балелі-балелі мне грудзі…

Вы прыйшлі, нібы з неба святло —

І з прадоння Сусвет утварыўся…

Разлілося паўсюдна цяпло,

І як быццам яму я маліўся…

Вас усмешкай аздобіла ноч,

Кожнай зоркай, травінкай, лісточкам…

Бласлаўлення святога ад воч

Атрымаў я у райскім куточку…

Вы, як цень, адбіваліся ў дні,

Быццам воблака, ноччу сплывалі…

Таямніцаю спеў Ваш вірыў,

Вашы словы ў вышынях луналі…

Вас, відаць, не было сапраўды —

Кроза дзіўная свету прывідаў…

Нібы сон, паўтараліся Вы

У абшарах маіх краявідаў…

«Горкім сном не прысніцца віна …»

Горкім сном не прысніцца віна —

Не мая, не твая, а чыя?

Як не прыйдзе ніколі вясна,

Не яго, не яе, а чыя?

Памяць ціха стаіць ля вакна —

Не мая, не твая, а чыя?

Нібы Чаша пакутаў без дна,

Не яго, не яе, а чыя?

Цемра плача з відна да відна —

Не мая, не твая, а чыя?

Уцякае скрозь пальцы вада —

Не яго, не яе, а чыя?

Новым днём прывітае зіма —

Не мая, не твая, а чыя?

Неўзабаве ўсё ж прыйдзе вясна —

Для яго, дя яе – Нічыя.

«Спаўзе ў гушчар туман сівы…»

Спаўзе ў гушчар туман сівы

Між елак покрывам бялюткім.

Ізноў прысніцеся не Вы

У панаванні Рэха гнуткім…

Спаўзе з галінкі кроплі звон,

Які падхопіць шоргат лісця…

Ізноў сустрэнецца Вам Ён,

У мроях стрэчаны калісьці.

Спадзе на вокны змроку цень,

Кране далоні сарамліва…

Ізноў не Вы – самотны дзень

Аб нечым просіць палахліва…

Не сніцца Парыжу ворыва водар…

(Леаніду Дранько-Майсюку)

Мая душа не плача, а пяе, бо стомлена не лёсам, а табою.
(Л. Дранько-Майсюк)
Твая душа – нячулая машына, выразны запіс.
(Х. Картасар)

Не сніцца Парыжу ворыва водар,

Не бачыцца ў снах паплавоў хараство.

Вялікі адметнасцю светлаю горад,

Палескіх не сніць краявідаў даўно.

Самотны і з тым, без таго, у трывозе,

Палонены снамі стамлённа-чужых,

Не сніцца адчайна між вежаў і плошчаў

Усходняга вальсу багемны уздых…

Не сняцца Парыжу ліцьвінскія вочы,

Паэта здалёку, Паэта з не тут.

Ды чуе надоствітку, цішай, употай

Вандроўніка шэпат здзіўлены Луўр.

Дыханне займае прасторы і часу,

І водарыць – Божа! – нязнанасцю сноў,

Якія вяслуюць прывідамі страху

У колерах белых, чырвоных, бы кроў…

Адкуль жа самота? Нячутна-знаёма,

І мова нагадвае баль салаўёў…

Адна ў Беларусі на тыдзень субота

І сем у Парыжы на тыдзень субот…

Не сніцца яму, апалоненым жарсцю

Дзівотных фантазій ПікАсо-РэмбО,

Як поначы кветам ад Вільні, няйначай,

Ліецца з нябёсаў Ярылы святло…

Ды што яму богі? Д’арк больш за сонца,

А вуліца Ружаў прыўкрасней за свет.

Чаму ж, о Анёле, балюча быць можа

Ад шэпату кволага між безлічы моў?

Не сніцца Парыжу ні сад Люксембургскі,

Ні Руаяль, ні Сен-Жэрмэн…

Ён слухае моўчкі з слязою на вуснах

Аповеды з «Кнігі для спадарыні Эл».

«А што такое жыццё…»

А што такое жыццё,

Калі не хвалі,

Які гайдаюць

Нібы каралі

Лёс на вятрах і агні?

А што такое жыццё,

Калі не кросны,

Якія ткуць восень

Нібы нябёсы просінь

Ад самай вясны?

А што такое жыццё,

Калі не вагі,

Якія ўсе твае смагі

Хістаюць улева-управа

Выбарам адным.

А што такое жыццё,

Калі не спатканні,

Хістанні,

Ткацтвы,

Гайданні,

Ваганні

З мэтай адной —

Пазбегнуць растання?..

«Адшумела, адгуляла, адпалала…»

Адшумела, адгуляла, адпалала

Ты, душа, зняволеная сном.

Кропелькай слязы уноч растала,

Адцвіла язьмінам за вакном.

Маладосцю сінявокай звонкай

Адзвінела, адлунала, адышла.

На двары ліпнёвай вербы гронкай

Зачапілася за сполах сна,

У якім юнацкай непакорой,

Ты любіла, ты чакала, ты жыла…

А цяпер сталеннем верасовым

Адшумела, адгуляла, адышла…

«Раніцай можна прачытаць…»

Раніцай можна прачытаць

Гісторыю старажытнага

Учора…

«Не астылі яшчэ паплавы…»

Не астылі яшчэ паплавы

І ў паветры праменні гуляюць,

У пяшчоце блакітаў ставы

Спевы птушак апошніх гайдаюць…

Жоўтым лісцем красуе смуга, —

Няўлоўнай зімы набліжэнне.

Пожні хваляй цалуе рака

На спатканні апошнім нясмела.

Пракаветных дубоў галасы

Да нябёсаў імкнуць, нібы стрэлы.

Ім бы раз свае карані

Агарнуць у пухнатыя глебы…

Дыванамі самотных гаёў

Усцілаецца жоўтасць на чырвань,

Лета рэхам сцішэлых лясоў

Рысакоў сваіх ставіць на прывязь…

«А ноч, прыснёная табой…»

А ноч, прыснёная табой,

Хіба адно што вецер…

Каштуеш зоркавы напой —

Душа ляціць па свеце…

Дух спачывае на мяжы —

Салодкай мроі гукі…

Перакрыжуюцца нажы,

Як закаханых рукі…

Заззяе золатам рака,

Прысніш дзівосных птахаў…

І не ўстрымаць маладзіка,

Ад шчасця каб не плакаў.

…а ноч, прыснёная табой,

Засне на крылах ветру.

Чырвонай кропляй за табой

Душа ляціць планеты…

«Там, дзе рачная хваля…»

Там, дзе рачная хваля

Цалуе душаў пагляды,

І россыпам неба караляў

Азёры ў начы апранае,

Там, дзе вякуюць ляды,

Убраныя ў росныя травы,

І птах адзінокі кружляе

У плыні сонечнай лавы,

Там, дзе дыванамі пожні

У мяккасці крокі хаваюць

І мудрасцю даўняе прошчы

Абшары сабой атуляюць,

Там, дзе гаючай крыніцы

Шэпат празрыста-салодкі

І сінявокасць чарніцы

Глыбіннасць даруюць палёгкі,

Там, дзе вішнёвыя ранкі

Купаюцца ў спевах птушыных.

І на крылатых маланках

Мары лунаюць няспынна…

Там, дзе пакінуты годы,

І хаты ваўчкамі заняты.. —

Туды мы ўцякаем употай:

Адзінай істотнае страты…

«па дарозе самоты…»

па дарозе самоты

на узлогах журбы

ўсё што ёсць не істотна

што істотна не мы

па дарозе да скрухі

на абшарах любві

заблукалыя рухі

нам вяртаюцца ў сны.

«За імгненнем бяжыць імгненне…»

Следующая страница

С этой книгой читают

Три женских возраста

Алиса Ренар

Три женщины: юная Алька, сорокалетняя Анна и отшагавшая уже больше половины жизненного пути Ванесса. Мать, дочка и бывшая свекровь… Они связаны друг с другом узами родства и духовной близостью. Только это помогает каждой из них выстоять в тех нелегких испытаниях, которые посылает им судьба – несправедливая, безжалостная и в то же время щедро раздающая чудеса и радости…

Читать

Проверенные средства по уходу за кожей и ногтями рук и ног

Антонина Соколова

Для любой современной женщины ухоженная кожа и красивые ногти – неотъемлемая часть ее образа, ведь это признак элегантности, а для деловой женщины – необходимость.Мы познакомим вас с проверенными правилами эффективного ухода за кожей рук и ног, расскажем о видах и техниках маникюра, методах укрепления ногтей и о современных видах педикюра, а также о многом другом.

Читать

Настоящая пандемия 21 века: сон

Евгений Виштал

В своем стремлении больше зарабатывать и максимально реализовываться мы испытываем все большее напряжение, все сильнее устаем и теряем былую энергию. Очень многие сегодня страдают расстройством сна, и, как следствие, рано приобретают проблемы со здоровьем. В своей книге Виштал Евгений Игоревич рассказывает о том, как можно восстанавливать силы, научившись регулировать сон. Психолог объясняет пользу полноценного цена для для повышения своей продук

Читать

Жена для злодея, или Нельзя (влю)убить Кощея

Витамина Мятная Джоан Мур

Попав в сказочную изнанку, я внезапно обнаружила, что являюсь потомственной Бабой-ягой – костяной ногой, вредным и изобретательным борцом со злодеями, которые не питают особого уважения и пиетета к нам, бабам-ягам. Расследуя дело о пропавших печках, я обнаружила, что спасение сказочной изнанки грозит мне свадебным ОТБОРОМ и неминуемым ЗАМУЖЕСТВОМ! Да не за кем-либо, а с самим Кощеем! Вот такая яга современной закваски досталась Кощею в жены. Моло

Читать