Ирэн Летон - Инсьӧр. Покчи нылпиослы инсьӧр сярысь выжыкыл
| Название: | Инсьӧр. Покчи нылпиослы инсьӧр сярысь выжыкыл |
| Автор: | Ирэн Летон |
| Жанр: | Книги для детей |
| Серии: | Нет данных |
| ISBN: | Нет данных |
| Год: | Не установлен |
Та Инсьӧр сярысь выжыкылэз дэмласьком покчиослы лыдӟыны кӧлон азьын. Мед та уйе адӟозы тунсыко но вунонтэм уйвот, кытын кизилиос солы зэмос эш луозы. Нош планетаос лулъяськозы но зэмос адямиослы пӧрмозы, ас ӟечлыкенызы но тырмымтэосынызы. Но ваньмыз воштӥське, куке выжыкылын кутске пӧртмаськон.
Бесплатно читать онлайн Инсьӧр. Покчи нылпиослы инсьӧр сярысь выжыкыл
Переводчик Любовь Иванова
Редактор Софья Главатских
Редактор Наталия Миллер
© Ирэн Летон, 2023
© Любовь Иванова, перевод, 2023
ISBN 978-5-0060-8442-1
Создано в интеллектуальной издательской системе Ridero
Федянин Кирилл
Улӥллям-вылӥллям эксэй Шунды Толэзь кышноеныз но соослэн чебер Венера нылзы.
Тани Венералы дас куать арес тырмем но Шунды атай малпам нылзэ бызьытыны. Нош Венералэн чик но быземез уг на поты, малы ке шуоно, со ӧз на пумита сыӵе пиез, кудӥзлы дась кузьманы яратӥсь сюлэмзэ. Анай но пумит: нылзы пинал на, вазь на солы атай юртысь кошкыны.
Шайдуллина Елизавета
Атай кыл – зол кыл. Солы пумит уд мыны.
Ас узырлыксэ возьматон, ушъяськон понна, эксэй Шунды вань пумтэм-йылтэм зарнизэ но азьвесьсэ кыре поттэм. Чильк-вальк кисьтаськись зарни пырыос, ошылэм синучконъёс пыр пиштыса, эшшо но узырмытӥзы эксэй дворецез.
Бускельёслы узырлыксэ возьматон понна, малпаз эксэй шукырес, вань калыклы вожъяськымон бал ортчытыны но вань принцъёсты отчы отьыны.
